தயிர் சாதம்
தயிர் சாதம்
தேவையான பொருள்கள்:
அரிசி – 1 கப்
தண்ணீர் – 2 கப்
பால் – 5 கப்
தயிர் – 2 டேபிள்ஸ்பூன்
வெண்ணை – 2 டேபிள்ஸ்பூன். (விருப்பமானால்)
உப்பு – தேவையான அளவு
கொத்தமல்லித் தழை – சிறிது
தாளிக்க – எண்ணை, கடுகு, உளுத்தம் பருப்பு, இஞ்சி, பச்சைமிளகாய், கறிவேப்பிலை…
செய்முறை:
அரிசியைக் களைந்து நீரை வடித்துக் கொள்ளவும்.
2 கப் பால், 2 கப் தண்ணீர் சேர்த்து குக்கரில் குழைய வேக விடவும்.
சூட்டோடு திறந்து, உப்பு, தயிர் சேர்த்து கரண்டியால் நன்கு மசித்து, சூடான பால் சேர்த்து தளரக் கலக்கவும்.
5 நிமிடங்கள் க்ழித்துத் திறந்தால் சாதம் இறுகியிருக்கும். இன்னும் சிறிது சூடான பால் சேர்த்து மூடி வைக்கவும்
மீண்டும் 5 நிமிடங்களில் நிறைய பால், வெண்ணை சேர்த்து மிக மிகத் தளர்வான பதத்தில் கலக்கவும். அப்போதுதான் சாப்பிடும் நேரத்தில் சரியான பதத்தில் இருக்கும்.
எண்ணையைச் சூடாக்கி, கடுகு, உளுத்தம்பருப்பு, பொடியாக நறுக்கிய இஞ்சி, பச்சை மிளகாய், கறிவேப்பிலை தாளித்துக் கொட்டி, கொத்தமல்லித் தழை சேர்த்து கலந்து வைக்கவும்.
இந்தத் தயாரிப்பை இரண்டு மணிநேரங்களில் சாப்பிடச் சரியாக இருக்கும். அதற்குமுன் சாப்பிட வேண்டிவந்தால் இன்னும் சிறிது தயிர்சேர்த்து உபயோகிக்கலாம்.
* கலக்கும்போது சரியான பதத்தில் கலந்துவிட்டு சாப்பிடும்போது இறுகியிருப்பதற்காக மீண்டும் தயிரோ, பாலோ சேர்த்துத் தளர்த்தினால் அது சுவையாக இருக்காது.
* தேவைப்பட்டால் கேரட், வெள்ளரியைத் துருவி பரிமாறும் நேரத்தில் சேர்க்கலாம். அல்லது கொட்டை இல்லாத பச்சை திராட்சையையும் சேர்க்கலாம்.
* சாப்பிட இன்னும் 4 மணி நேரங்களுக்கு மேல் ஆகுமென்றால் உபயோகிக்கும் பால் மிதமான சூட்டிலும், மிக அதிக நேரம் ஆகுமென்றால் (பயணங்களுக்கு எடுத்துப் போவது) முற்றிலும் ஆறிய பாலையே உபயோகிக்க வேண்டும். சாதமும் சற்று சூடு ஆறியபின் கலக்க ஆரம்பிக்கலாம். இல்லாவிட்டால் சீக்கிரம் புளித்துவிடும்.
* சாதத்தில் தேங்காயை சிறு சிறு துண்டுகளாக்கிச் சேர்ப்பது வெகுநேரத்திற்கு புளிக்காமல் இருக்க உதவும்.
* தாளிக்கும் எண்ணை மிகமிக லேசானதாக, ஏற்கனவே உபயோகிக்காததாக இருக்க வேண்டும். ஏற்கனவே இருக்கும் பாலும் வெண்ணையுமே சுவையைக் கூட்டும் என்பதால் கடுகு நனையும் அளவு எண்ணையில் தாளித்தால் போதுமானது. அதிகமான அல்லது கலங்கலான எண்ணை மொத்த தயிர்சாதத்தின் நிறத்தை மட்டுப்படுத்திவிடும் அல்லது கெடுத்து விடும்.
Thanks to the unknown who wrote this recipe.
Add comment Friday,April 10, 2009
Mirchi Bhajji
மிர்ச்சி பஜ்ஜி (ஹைதராபாதில் கிடைப்பது)
தெலுங்கில் “மிரப்பகாயா பஜ்ஜி” எனவும், தமிழில் “மிளகாய் பஜ்ஜி” எனவும் அழைக்கப்படும் இது எனக்கு மிகவும் பிடித்த ஒன்று.
சென்னையிலும், பெங்களூரிலும் கிடைக்கும் “மிளகாய் பஜ்ஜி” அல்ல. இது ஹைதராபாத் புகழ் மிர்ச்சி பஜ்ஜி.
தேவையான பொருட்கள்: மிளகாயில் அடைக்க (to be stuffed inside Mirchi)
எள் – 3 டேபிள் ஸ்பூன்
கொப்பரைத் துருவல் – 3 டேபிள் ஸ்பூன்
கொத்தமல்லி விதை (தனியா) – 1 டீஸ்பூன்
புளி (கரைத்தது) – 1 டேபிள்ஸ்பூன்
உப்பு – தேவைக்கேற்ப
புளியைத்தவிர மற்ற மூன்றையும் பொன்னிறமாக வறுத்துக் கொள்ளவும். புளி, உப்பு சேர்த்து, மிக்ஸியில் (தண்ணீர் விடாமல்)விழுதாக அரைத்து, தனியாக வைத்துக் கொள்ளவும்.
மிளகாய் செய்முறை.
சுமார் 15-20 மிளகாய்களை எடுத்துக் கொண்டு (ஹைதராபாதில் பஜ்ஜி மிளகாய் என்றே கிடைக்கும்), நன்கு கழுவி, துடைத்துக் கொள்ளவும்.
மிளகாயின் நடுவில் நீளவாக்கில் கூரான கத்தியினால் கீறிக்கொள்ளவும். மிளகாயின் காம்பு பகுதியையும், கீழ்பகுதியையும் நறுக்கக் கூடாது.
கீறிய பின், மிளகாயின் உள்ளே இருக்கும் “நரம்பு” பகுதியையும் விதைகளையும் எடுத்து விடவும். எல்லா மிளகாய்களையும் இவ்வாறே கீறி, விதைகளை எடுத்து, தனியாக வைத்துக் கொள்ளவும்.
அரைத்து வைத்துள்ள எள் விழுதை கொஞ்சம் கொஞ்சமாக ஒவ்வொரு மிளகாயினுள்ளும் அடைக்கவும். (stuff)
பஜ்ஜி மாவு:
கடலை மாவு (Besan)- 2 கப், சலித்தது
அரிசி மாவு – 1/2 கப்
உப்பு, சீரகம், ஓமம், சமையல் உப்பு - கொஞ்சம்
எல்லாவற்றையும் ஒரு பாத்திரத்தில் போட்டு, தண்ணீர் லேசாக் கலந்து, கெட்டியாக (பஜ்ஜி மாவு பதத்தில்) கரைத்துக் கொள்ளவும்
பஜ்ஜி போட்டு எடுக்க:
ஒரு வாணலியில் எண்ணெய் விட்டு நன்கு சூடாக்கவும் (புகை வரும் நிலையில்). ஒவ்வொரு மிளகாயாக எடுத்து, மாவில் தோய்த்து, எண்ணெயில் மெதுவாக போடவும். பொன்னிறமாக பொரிய வேண்டும்.
ஒரு “ஈடு” ஆனதும், அந்த பஜ்ஜிகளை அடுத்த “ஈடு” வரை ஆறவிட்டு, பின்னர் மீண்டும் மாவில் தோய்த்து, எண்ணெயில் போட்டு பொரிய விடவும். இதே போன்று எல்லா பஜ்ஜிகளையும் இரண்டு முறை மாவில் தோய்த்து, எண்ணெயில் பொரிக்கவும்.
சுவையான ஹைதராபாத் மிர்ச்சி பஜ்ஜி தயார். சூடாக சாப்பிடவும்.
ராஜப்பா
மாலை 6-20; 20-03-2009
மிர்ச்சி பஜ்ஜி (ஹைதராபாதில் கிடைப்பது) -
1 comment Friday,March 20, 2009
பாலக் சூப் (2)
பாலக் சூப் – 2
தேவையான் பொருட்கள்
பாலக் கீரை – ஒரு கட்டு (மீடியம் சைஸ்); வெங்காயம் 1, பால் – 200 மில்லி, மிளகு, ஜீரகம் கொஞ்சம், மைதா மாவு 1 டேபிள்ஸ்பூன், எண்ணெய்
செய்முறை
கீரையை ஆய்ந்து, நன்றாக அலம்பி, நறுக்கிக் கொள்ளவும். குக்கரில் போட்டு வேக வைத்துக் கொள்ளவும்.
வெங்காயத்தை பொடியாக நறுக்கிக் கொள்ளவும். வாணலியில் எண்ணெய் விட்டு, சூடானதும், கொஞ்சம் மிளகு, ஜீரகம் போட்டு வதக்கிக் கொண்டு, நறுக்கிய வெங்காயம் சேர்த்து பொன்னிறமாக வதக்கிக் கொள்ளவும்.
இதில் மைதா மாவு, மற்றும் பாலை சேர்த்து கொஞ்சம் கெட்டியாகும் வரை கிளறவும். ஆற விடவும்.
கலவையும், கீரையும் ஆறியவுடன் இரண்டையும் மிக்ஸியில் போட்டு அரைக்கவும்.
இந்த விழுதை வாணலியில் போட்டு, தண்ணீர் சேர்த்து கொதிக்க விடவும்.
பாலக் சூப் ரெடி.
இது சுபா தயாரிப்பு
14-3-2009 11:10 am
Add comment Saturday,March 14, 2009
தக்காளி சாதம்
Add comment Thursday,March 12, 2009
தக்காளி சாதம்
தக்காளி சாதம் (1)
தேவையான பொருட்கள்
அரிசி – 300 கிராம், தக்காளி – மீடியம் சைஸ் 6, வெங்காயம் – 2, பச்சை மிளகாய் – 3, பூண்டு – 15 பற்கள், இஞ்சி, கிராம்பு – 4, பட்டை, ஏலக்காய் – 2, வெண்ணெய் – 25 கிராம், கொத்தமல்லித் தழை
செய்முறை
அரிசியை நன்றாக அலம்பி, களைந்து கொள்ளவும். தண்ணீரை இருத்துவிட்டு, அரிசியை 10 நிமிஷம் உலர்த்திக் கொள்ளவும்.
இஞ்சி, 5 பற்கள் பூண்டு, ப-மிளகாய் இவற்றை விழுதாக அரைத்துக் கொள்ளவும்.
குக்கரில் வெண்ணெய் போட்டு, சூடானதும் அதில் பொடித்த கிராம்பு, ஏலக்காய், பட்டை ஆகியவைகளைப் போட்டு, வறுக்கவும். நறுக்கிய வெங்காயம், பூண்டு சேர்த்து வதக்கிக் கொள்ளவும். பின்னர் இஞ்சி பூண்டு மிளகாய் விழுதை சேர்த்து வதக்கிக் கொள்ளவும்.
களைந்து, உலர்த்திய அரிசியை போட்டு கொஞ்சம் வறுத்துக் கொள்ளவும். தக்காளிப் பழங்களை மிக்ஸியில் அரைத்து, அரிசியில் சேர்க்கவும். தேவையான அளவு தண்ணீர் ஊற்றவும். (ஏற்கனவே தக்காளி சாறு ஊற்றியிருப்பதை ஞாபகம் வைத்துக்கொண்டு தண்ணீர் சேர்க்கவும்). உப்பு சேர்க்கவும்.
குக்கரை மூடி, 3 விசில் வரும்வரை சாதத்தை வேகவிடவும். குக்கர் ஆறியதும், கொத்தமல்லித்தழையை பொடியாக நறுக்கி சாதத்தில் சேர்க்கவும்.
இது ராஜப்பா தயாரிப்பு
11 March 2009
Add comment Wednesday,March 11, 2009
Methi Rice
Methi Keerai
மேத்தி சாதம்
தேவையான பொருள்கள்
Methi (வெந்தய கீரை), வெங்காயம், தக்காளி, கடுகு, உளுத்தம் பருப்பு, மிளகாய் பொடி, உப்பு, சாதம், நெய்.
செய்முறை
வெந்தய கீரையை நன்றாக அலம்பி இலையை மட்டும் ஆய்ந்து கொஞ்சமாக நறுக்கி கொள்ளவும். சூடாக்கிய வாணலியில் சிறிது எண்ணெய் விட்டு கடுகு, உளுத்தம் பருப்பை தாளிக்கவும். சிறிதளவு மிளகாய் பொடி சேர்த்து பொரித்துக் கொள்ளவும்.
இதனுடன் பொடியாக நறுக்கிய வெங்காயம் மற்றும் தக்காளி சேர்த்து வதக்கவும். முக்கால்வாசி வதங்கியதும் நறுக்கிய கீரையை சேர்த்து நன்றாக வதக்கவும்.
சூடான சாதத்துடன் சிறிது நெய் சேர்த்து வதக்கிய கீரையை கலந்து சாப்பிடவும்.
இது வாசுவின் (ராஜி) தயாரிப்பு 8 Feb 2009
Methi Keerai
1 comment Saturday,February 14, 2009
Aloo Dhum
ALOO DHUM
பொருட்கள்
சின்ன உருளை – 4, தக்காளி – 2, வரமிளகாய் – 4, வெங்காயம் – 1
இஞ்சி பூண்டு விழுது – 1 டீஸ்பூன், சீரகம் – 1 டீஸ்பூன், பொடித்த ஏலக்காய், கிராம்பு, மஞ்சள் தூள், மிளகாய்த்தூள், தனியாத்தூள் – 1/2 டீஸ்பூன் தலா
உப்பு, எண்ணெய்
செய்முறை
தக்காளி, வெங்காயத்தை பொடியாக நறுக்கவும். உருளைக்கிழங்கை உப்பு, மஞ்சள் சேர்த்து வேகவைத்து, தோல் உரித்துக் கொள்ளவும்.
வெங்காயம், தக்காளி, வரமிளகாயுடன் உப்பு சேர்த்து அரைத்துக் கொள்ளவும்.
வெந்த உ.கிழங்கில் FORK கொண்டு துளையிடவும்.
கடாயில் எண்ணெய் விட்டு, சீரகம் தாளித்து, இஞ்சி பூண்டு விழுது, ஏலக்காய், கிராம்பு போட்டு வதக்கவும்.
மிளகாய்த்தூள், தனியாத்தூள், உப்பு சேர்த்துக் கிளறி, அதில் அரைத்த விழுதை போட்டுக் கிளறவும்.
வெந்த உ.கிழங்கை போட்டு வதக்கவும்.
தேவைக்கேற்ப தண்ணீர் சேர்க்கவும்.
நன்றாக கொதித்ததும் கொத்துமல்லி போட்டு இறக்கவும்
ராஜப்பா
25-01-2009, 17:50 மணி
** நன்றி: ஆனந்தவிகடன், 28-01-2009 இதழிலிருந்து
Add comment Sunday,January 25, 2009
Green Peas Masala
Green Peas Masala
பொருட்கள்
பச்சை பட்டாணி – 2 கப், வெங்காயம் – 2, சீரகத்தூள் – 1/2 டீஸ்பூன்
இஞ்சி துருவல் – 1 டீஸ்பூன், பச்சை மிளகாய் – 2, தக்காளி – 2
மஞ்சள் தூள் – 1/4 டீஸ்பூன், மிளகாய்த்தூள், கரம் மசாலாத்தூள்
உப்பு – தலா 1/2 டீஸ்பூன், எண்ணெய், நெய் – 1 டீஸ்பூன் தலா.
செய்முறை
வெங்காயம், பச்சை மிளகாய், தக்காளியை தனித்தனியே நறுக்கிக் கொள்ளவும்.
கடாயில் எண்ணெய், நெய் விட்டு வெங்காயம், சீரகத்தை வதக்கவும்.
தக்காளியை சேர்த்து, வதக்கி, ஒரு கப் தண்ணீர் விடவும்.
கொதிக்க ஆரம்பித்ததும் பச்சைப் பட்டாணி, உப்பு, மஞ்சள், மிளகாய்த்தூள், கரம் மசாலாத்தூள் சேர்க்கவும்.
பட்டாணி நன்றாக வெந்து க்ரேவியாக வந்ததும் இறக்கி, பரிமாறவும்
ராஜப்பா
25-01-2009, 17:25 PM
** நன்றி: ஆனந்தவிகடன், 28-01-2009 இதழிலிருந்து
Add comment Sunday,January 25, 2009
Paneer butter Masala
பனீர் பட்டர் மசாலா
பொருட்கள்
பனீர் – 200 கி, வெண்ணெய் – 1 டேஸ்பூன், தக்காளி – 3
வெங்காயம் – 2, முந்திரி – 5-8, கசகசா – 1 டீஸ்பூன்,
வெந்தயக்கீரை (காய்ந்தது) – 1 டீஸ்பூன் (கீரையை தண்ணீரில் ஊறவைக்கவும்)
பால் – 1/2 கப், எண்ணெய், கரம் மசாலாத்தூள், தனியாத்தூள்,
மஞ்சள் தூள், மிளகாய்த்தூள் – தலா 1 டீஸ்பூன்
சர்க்கரை – 1 சிட்டிகை, உப்பு
அரைக்க: இஞ்சி, பூண்டு, பட்டை, லவங்கம், ஏலக்காய்
செய்முறை
வெங்காயம், தக்காளியை பொடியாக நறுக்கவும்.
நறுக்கிய தக்காளியை அரைத்துக் கொள்ளவும்
முந்திரி, கசகசா, மேதி மூன்றையும் அரைத்துக் கொள்ளவும்
மசாலா பொருட்களையும் அரைத்துக் கொள்ளவும்
பனீரை சிறு துண்டங்களாக் பொரித்துக் கொள்ளவும்
கடாயில் வெண்ணெய் போட்டு சூடானதும், வெங்காயம் போட்டு வதக்கவும்
அதில் அரைத்த மசாலா விழுதை சேர்த்து வாசனை வரும் வரை வதக்கவும்.
பிறகு தக்காளி விழுது, உப்பு சர்க்கரை சேர்த்து கொதிக்கவிடவும்.
நன்றாக கொதித்ததும், பாலை சேர்க்கவும்,
முந்திரி விழுதை சேர்த்து, பொரித்த பனீரையும் போடவும்.
கொஞ்சம் கொதித்ததும் இறக்கி, பரிமாறவும்
ராஜப்பா
25-01-2009 17:00 PM
** நன்றி: ஆனந்தவிகடன், 28-01-2009 இதழிலிருந்து
Add comment Sunday,January 25, 2009
Tomato Cream soup
TOMATO CREAM SOUP
1 Kg tomatoes
1-1/2 tsp butter
Chopped garlic (3 tsps)
A small piece of ginger chopped
1/2 tsp green chilli chopped
Coriander leaves chopped (handful)
Tulsi leaves (for taste)
1 tbsp light cream
Salt as per taste
Method:
Puree the tomatoes and keep aside.
Heat a vessel on medium flame.
Add butter and then add chopped garlic, chopped ginger, chilli and coriander
leaves and saute until it emits a nice aroma.
Add the pureed tomatoes and let it simmer.
Add some water if required.
Now add tulsi leaves and salt according to taste.
When it boils, remove the vessel from the stove and let the soup cool.
Strain the soup.
Take the strained soup, keep on medium flame again, add cream to it, and let
simmer for sometime.
Delicious cream of tomato soup is ready.
Rajappa
25-01-2009 11:25 am
Add comment Sunday,January 25, 2009
Thideer soup
திடீர் சூப்
தக்காளி — 3 பெரியது
லவங்கப்பட்டை தூள் – 1/4 டீஸ்பூன்
சர்க்கரை – 2 டேஸ்பூன்
உப்பு
மிளகாய்த்தூள் (தேவையானால்) – கொஞ்சம்
வெண்ணெய் – 2 டேஸ்பூன்
சீரகப்பொடி – 1/2 டேஸ்பூன்
தண்ணீர் – 1/2 கப் (தேவையானால்)
செய்முறை
தக்காளியை கொதிக்கவிட்டு, தோல் உரித்துக் கொள்ளவும்.
இதை மற்ற சாமான்களுடன் சேர்த்து (வெண்ணெயைத் தவிர) விழுதாக அரைத்துக் கொள்ளவும்.
வாணலியில் வெண்ணெய் போட்டு, அரைத்த விழுதை போட்டு குறைந்த தீயில் கொதிக்க விடவும்.
தண்ணீர் தேவையானால் சேர்க்கவும்.
சூப்பை சூடாக பரிமாறவும்.
ராஜப்பா
25-01-2009 11-15 மணி
Add comment Sunday,January 25, 2009
காய்கறி சூப் (2)
VEGETABLE SOUP
potatoes – 2 medium size
carrots – 2 medium size
onions – 2 medium size
beans – 10 nos
cabbage – 1 piece (100 gms approx.)
shelled green peas – 1 cup
celery – 3 stalks
vegetable stock – 1 ltr
skimmed milk – 250 ml
salt & pepper to taste
Method:
Cut all the vegetables (except peas) into small cubes and mix with peas.
Add stock and pressure cook for 10 minutes.
Strain out 1 cup of cooked vegetables and blend in a mixer.
Return it to the soup in the pressure cooker.
Add milk, salt and pepper. Serve hot
rajappa
25-01-2009 11:05
Add comment Sunday,January 25, 2009
