பாலக் சூப் (2)

பாலக் சூப் – 2

தேவையான் பொருட்கள்

பாலக் கீரை – ஒரு கட்டு (மீடியம் சைஸ்); வெங்காயம் 1, பால் – 200 மில்லி, மிளகு, ஜீரகம் கொஞ்சம், மைதா மாவு 1 டேபிள்ஸ்பூன், எண்ணெய்

செய்முறை

கீரையை ஆய்ந்து, நன்றாக அலம்பி, நறுக்கிக் கொள்ளவும். குக்கரில் போட்டு வேக வைத்துக் கொள்ளவும்.

வெங்காயத்தை பொடியாக நறுக்கிக் கொள்ளவும். வாணலியில் எண்ணெய் விட்டு, சூடானதும், கொஞ்சம் மிளகு, ஜீரகம் போட்டு வதக்கிக் கொண்டு, நறுக்கிய வெங்காயம் சேர்த்து பொன்னிறமாக வதக்கிக் கொள்ளவும்.

இதில் மைதா மாவு, மற்றும் பாலை சேர்த்து கொஞ்சம் கெட்டியாகும் வரை கிளறவும். ஆற விடவும்.

கலவையும், கீரையும் ஆறியவுடன் இரண்டையும் மிக்ஸியில் போட்டு அரைக்கவும்.

இந்த விழுதை வாணலியில் போட்டு,  தண்ணீர் சேர்த்து கொதிக்க விடவும்.

பாலக் சூப் ரெடி.

இது சுபா தயாரிப்பு

14-3-2009 11:10 am

தக்காளி சாதம்

தக்காளி சாதம் (2)

 

தேவையான பொருட்கள்

தக்காளி, நன்கு பழுத்தது, பெரிய வெங்காயம்

எண்ணெய், உப்பு

 

தாளிக்க:

உளுத்தம் பருப்பு, கடலைப் பருப்பு, பச்சை மிளகாய், கிராம்பு, பட்டை, இஞ்சி விழுது, கடுகு, ஜீரகம்

 

செய்முறை:

வாணலியில் எண்ணெய் விட்டு, எண்ணெய் சூடானதும், தாளிக்க சொல்லியிருப்பவைகளை போட்டு, வதக்கவும்.

நறுக்கிய வெங்காயத்தை போட்டு, பொன்னிறமாகும் வரை வதக்கவும்.

தக்காளிப்பழங்களை நறுக்கி மீண்டும் வதக்கவும்.

தேவையான உப்பு சேர்க்கவும்.

நன்றாக வதங்கியவுடன், கரம் மசாலா பொடியையும், கொத்தமல்லியையும் சேர்க்கவும்.

இதை சூடான சாதத்தில் சேர்த்து கலக்கவும்.

 

சுவையான தக்காளி சாதம் தயார். (தேவையானால், பச்சைப் பட்டாணியும் சேர்க்கலாம்)

 

இது சுபாவின் தயாரிப்பு

 

12 மார்ச், 2009